កណ្តាល៖ ប្រជាពលរដ្ឋរស់នៅអមសងខាងផ្លូវបេតុងមួយកន្លែងស្ថិតនៅក្នុងសង្កាត់ព្រែកឬស្សី ក្រុងតាខ្មៅ ប្រមាណ២០នាក់តំណាងអោយប្រជាពលរដ្ឋជាច្រើនគ្រួសារ បានផ្តិតមេដៃស្នើសុំកិច្ចអន្តរាគមន៍ពីឯកឧត្តម គួច ចំរើន អភិបាលនៃគណៈអភិបាលខេត្តកណ្តាល។
ក្នុងស្នើរបស់ប្រជាពលរដ្ឋ បានបន្តប្តឹងចោទ លោក ញ៉ែម សារ៉ាឌី មានតួនាទីជាអនុប្រធានការិយាល័យភូមិបាលខណ្ឌសែនសុខ ជាមន្ត្រីជំនាញសុរិយោដីដែលដឹងច្បាប់ហើយបែជារំលោភអំណាច និងម្នាក់ទៀត ឈ្មោះ អ៊ុក ចាន់ណាត ធ្វើរបងរំលោភយកដីចំណីផ្លូវសាធារណៈរបស់រដ្ឋស្ថិតនៅក្នុងភូមិព្រែកឬស្សី សង្កាត់ព្រែកឬស្សី ក្រុងតាខ្មៅ ។
បើតាមប្រភពដដែល ប្រជាពលរដ្ឋនាំគ្នាផ្តិតមេដៃដាក់ពាក្យបណ្តឹងនេះធ្វើឡើងជាលើកទី២ក្រោយពីពួកគាត់បានដាក់ពាក្យបណ្តឹងចូលសាលាខេត្តកណ្តាលអូសបន្លាយជិត២ឆ្នាំមិនមានចំណាត់ការបានត្រឹមតែចេញសជណ លេខ៣៧២ ចុះថ្ងៃទី០៦ ខែមីនា ឆ្នាំ២០២៣។
ជុំវិញបញ្ហានេះ លោកកែវ មាលា ប្រជាពលរដ្ឋម្នាក់ដែលរស់នៅទីតាំងខាងលើនេះ បានឱ្យដឹងថា រូបលោកនិងប្រជាពលរដ្ឋជាច្រើនគ្រួសារដែលរស់នៅអមសងខាងផ្លូវបេតុងនោះបានព្រមព្រៀងផ្តិតមេដៃសំណើរសុំកិច្ចអន្តរាគមន៍ពីឯកឧត្តម គួច ចំរើន អភិបាលនៃគណៈអភិបាលខេត្តកណ្តាល មេត្តាជួយអន្តរាគន៍បើកផ្លូវបេតុងដែលស្ថិតនៅក្នុងភូមិព្រែកឬស្សី សង្កាត់ព្រែកឬស្សី ក្រុងតាខ្មៅ ។
លោកបន្តថា ផ្លូវបរតុងខាងលើនេះមន្ត្រីជំនាញមន្ទីរដែនដី នគរូបនីយកម្មនិងសំណង់ខេត្តកណ្តាលកំណត់ទុកផ្លូវ(6ម៉ែត្រ)តែបច្ចុប្បន្នផ្លូវនេះនៅសល់តែ 2ម៉ែត្រ1តិក តែប៉ុណ្ណោះជាហេតុធ្វើអោយប្រជាពលរដ្ឋពិបាកធ្វើដំណើរចេញ ចូល រឺអាចប្រឈមនិងហានិភ័យនូវពេលដែលមានអគ្គីភ័យកើតឡើង មិនអាចឡានទឹកបើកចូលដើម្បីជួយពន្លត់បានឡើយ។
លោកកែវ មាលា បានសង្កត់ធ្ងន់ទៀតថា ក្រោយពីពួកគាត់បានដាក់ពាក្យបណ្តឹងកាលពីថ្ងៃទី០៤ ខែកុម្ភះ ឆ្នាំ២០២៣ រួចមករូបបានសង្កេតឃើញមន្ត្រីជំនាញមន្ទីរដែនដី នគរូបនីយកម្មនិងសំណង់ខេត្តកណ្តាលបានចុះវាស់វែងបានបញ្ជាក់យ៉ាងច្បាស់ថា លោស្រី អ៊ុក ចាន់ណាត ធ្វើរបងរំលោភយកដីចំណីផ្លូវជិត២ម៉ែត្រ(១,៦៣ម)។ចំណែកម្ខាងទៀតអាងខ្លួនជាមន្ត្រីជំនាញសុរិយោដីឈ្មោះញ៉ែម សារ៉ាឌី រំលោភយកដីចំណីផ្លូវជិត២ម៉ែត្រ(១,៩៥ម)ដែរ។ការចុះវាស់វែងនិងបាញ់គំនូសក្រហមបញ្ជាក់ថាបុក្គល២នាក់ខាងលើរំលោភដីចំណីផ្លូវសាធារណះរបស់រដ្ឋបណ្តឹងហើយក៏នូតែគ្មានចំណាត់ការពីឯកឧត្តមគង់ សោភ័ណ្ឌ អភិបាលខេត្តចាស់គឺបានត្រឹមតែចេញ ស ជ ណ តែប៉ុណ្ណោះ។
ពលរដ្ឋសង្ឃឹមថាអភិបាលខេត្តថ្មីគឺឯកឧត្តម គួច ចំរើន និងជួយផ្តល់ភាពយុត្តិធម៌ជូនប្រជាពលរដ្ឋជាក់ជាមិនខានឡើយ។
លោកកែវ មាលា បានបញ្ជាក់ថាក្រោយពីពួកគាត់ដាក់ពាក្យបណ្តឹងថ្មីចូលរដ្ឋបាលខេត្តកណ្តាលកាលពីថ្ងៃទី៣១ ខែកក្កដា ឆ្នាំ២០២៤ ភ្លាមនាយករដ្ឋបាលបានចេញ ស ជ ណ ថ្មី១ទៀតកាលថ្ងៃទី១២ ខែសីហា ឆ្នាំ២០២៤ ដោយប្រគល់ភារកិច្ចជូនលោកអភិបាលនៃគណៈអភិបាលក្រុងតាខ្មៅពិនិត្យនិងដោះស្រាយ ហើយរាយការណ៍ពីលទ្ធផលជូន ឯកឧត្តមអភិបាលនៃគណៈអភិបាលខេត្តកណ្តាល។
ប្រជាពលរដ្ឋមានជំនឿនិងទំនុកចិត្តយ៉ាងមុតមាំទៅលើការដឹកនាំដ៏ឈ្លាសវៃពីសំណាក់ ឯកឧត្តមអភិបាលខេត្តកណ្តាលនិងសូមសុំណូមពរយ៉ាងទទួចឯកឧត្តម គួច ចំរើន មេត្តាជួយបើកផ្លូងខាងលើអោយបានធំទូលាយផង ដើម្បីសម្រួលដល់ការធ្វើដំណើររបស់ប្រជាពលរដ្ឋនៅក្នុងមូលដ្ឋាន ៕
