នៅក្នុងសង្គមបច្ចុប្បន្ន មានការប្រែប្រួលយ៉ាងឆាប់រហ័ស និស្សិត និងសិស្ស ដែលបានបញ្ចប់ការសិក្សាចម្រុះមុខជំនាញជាច្រើន កំពុងតែប្រឈមមុខនឹងបញ្ហាធំមួយចំនួនគឺ ការស្វែងរកការងារ សម្រាប់អនាគតរបស់ពួកគាត់។ ជាការពិតណាស់ សិស្ស និងនិស្សិតមួយចំនួនធំ បានលើកឡើងថា “ពួកគេកំពុងពើបប្រទះនឹងបញ្ហា និងការលំបាកច្រើនក្នុងការស្វែងរកការងារ ឬការបន្តការសិក្សា បន្ទាប់ពីបានបញ្ចប់ការសិក្សា។
បញ្ហាប្រឈមទាំងនេះ មិនត្រឹមតែមានពីសមត្ថភាពនៃសិស្ស និងនិស្សិត ដោយផ្ទាល់ប៉ុណ្ណោះទេ ប៉ុន្តែក៏ទាក់ទងនឹងគុណភាពអប់រំនៅក្នុងប្រព័ន្ធសិក្សាបច្ចុប្បន្ន ដែលមិនទាន់បានបណ្ដុះបណ្ដាលឱ្យបានដល់កម្រិតគ្រប់គ្រាន់ ដើម្បីឆ្លើយតបទៅនឹងតម្រូវការរបស់ទីផ្សារការងារ។
សមត្ថភាពភាសា ជាពិសេសភាសាអង់គ្លេស ឬភាសាបរទេស ដែលមានតម្រូវការខ្ពស់ក្នុងការងារជាច្រើន នៅតែជាបញ្ហាប្រឈមមួយធំសម្រាប់សិស្សខ្មែរ។ បើទោះបីជាសាលាបានបញ្ជូននិស្សិតឲ្យរៀនភាសាអង់គ្លេសក៏ដោយ ការបង្រៀនដោយគ្មានគុណភាពគ្រប់គ្រាន់ បានធ្វើឲ្យសិស្សខ្លះកំពុងតែមានភាពស្រពិចស្រពិលក្នុងការប្រើប្រាស់ភាសានេះ។
បន្ថែមពីលើសមត្ថភាពភាសា ការរៀនជំនាញដែលទាក់ទងទៅនឹងការងារ ដែលសិស្ស និងនិស្សិតបានរៀន នៅតែមានចន្លោះដាច់ដានជាច្រើន ជាមួយនឹងតម្រូវការពីសហគ្រាស និងទីផ្សារការងារ។ ការសិក្សានៅក្នុងវគ្គឯកទេសជាច្រើន នៅតែអមដោយសុទិដ្ឋិនិយមជាងពិភាក្សាគ្មានប្រយោជន៍ទៅនឹងជីវិតការងារពិតប្រាកដ ដែលធ្វើឲ្យសិស្សមួយចំនួនកំពុងតែខកខានក្នុងការប្រើប្រាស់ចំណេះដឹងរបស់ខ្លួន ក្នុងការស្វែងរកការងាររបស់ពួកគាត់។
ដោយឡែក ការអប់រំគ្មានគុណភាពគ្រប់គ្រាន់ នៅតែជាកត្តាបញ្ហាប្រឈមដ៏ធំបំផុតមួយសម្រាប់សិស្សខ្មែរ ដោយសិស្សមួយចំនួនបានបញ្ចប់ការសិក្សា ក៏នៅតែមានអារម្មណ៍ថា ពួកគេមិនទាន់បានរៀនដឹងឲ្យបានគ្រប់គ្រាន់។ ដូចនេះ ការអប់រំត្រូវតែមានការកែសម្រួលឲ្យបានប្រសើរឡើង តាមរយៈការបញ្ចូលកម្មវិធីសិក្សា ដែលអាចឆ្លើយតបទៅនឹងតម្រូវការនៃទីផ្សារការងារជាក់ស្តែង និងជួយសម្រួល និងតម្រង់ទិសឲ្យសិស្ស និងនិស្សិតមានសមត្ថភាពត្រៀមខ្លួនឲ្យបានល្អ។
អត្ថបទដោយ៖ កែវ មាលា
