នៅកម្ពុជា ការរីកចម្រើននៃកម្រិតចំណេះដឹងភាសាបរទេសរបស់សិស្ស បានក្លាយជាបញ្ហាដ៏សំខាន់មួយដែលទាក់ទងទៅនឹងការអប់រំ។ ដើមឡើយ ការអប់រំនៅកម្ពុជា បានផ្ដោតទៅលើការអភិវឌ្ឍជំនាញជាភាសាខ្មែរជាចម្បង ប៉ុន្តែបច្ចុប្បន្ននេះ ភាសាអង់គ្លេស និងភាសាជាតិសាសន៍ដទៃសំខាន់ៗផ្សេងៗ កំពុងត្រូវបានប្រើប្រាស់យ៉ាងទូលំទូលាយនៅក្នុងវិស័យអប់រំ ការធ្វើពាណិជ្ជកម្ម និងការធ្វើទំនាក់ទំនង។ ទោះយ៉ាងណាក៏ដោយ ការអភិវឌ្ឍនេះមិនទាន់អាចធានាថា សិស្សទាំងអស់មានជំនាញភាសាទាំងនេះនៅកម្រិតត្រឹមត្រូវនោះដែរ។
ការលំបាកក្នុងការរៀនដោយសារតែភាសា
សិស្សជាច្រើននៅកម្ពុជា ប្រឈមមុខនឹងការលំបាកក្នុងការសិក្សាថ្មីៗនេះ ពីព្រោះតែការយល់ដឹងអំពីភាសាអង់គ្លេស និងភាសាផ្សេងៗនៅមានកម្រិតទាប។ ឧទាហរណ៍ សិស្សដែលកំពុងសិក្សាតាមកម្មវិធីបណ្ដុះបណ្ដាលជំនាញដែលតម្រូវឱ្យប្រើភាសាអង់គ្លេស សិក្សាក្នុងបរិយាកាសអន្តរជាតិ ឬការសិក្សាស្រាវជ្រាវជាតិ បានទទួលការលំបាកយ៉ាងខ្លាំងក្នុងការគិត និងយល់ដឹងអំពីមេរៀន។ យើងអាចឃើញថា សិស្សខ្លះបាត់បង់ជំនាញក្នុងការសិក្សាអំពីមេរៀនតាមកម្មវិធីអន្តរជាតិ ដោយសារតែភាពខ្វះខាតនៃជំនាញភាសា។
បញ្ហាជំនាញភាសាខ្សោយ
បញ្ហាជំនាញភាសាបរទេសខ្សោយមិនមែនទាក់ទងទៅនឹងការសិក្សាភាសាអង់គ្លេសតែប៉ុណ្ណោះទេ។ សិស្សនៅតាមបណ្តាខេត្ត ដែលជាទីតាំងដាច់ស្រយាល ក៏បានប្រឈមមុខនឹងបញ្ហានេះដូចគ្នា។ សិស្សនៅតាមតំបន់ទាំងនេះអាចមិនបាននឹងស្គាល់កម្រិតភាសាខ្មែរល្អ ដោយសារតែភាសារបស់ពួកគេមិនស៊ីគ្នាទៅនឹងភាសារដ្ឋកន្លងមក។ ហេតុនេះ វាធ្វើឱ្យការសិក្សាមានភាពលំបាក និងការយល់ដឹងមិនទូលំទូលាយ។
មូលហេតុ និងផលប៉ះពាល់
បញ្ហានេះត្រូវបានដាក់ក្នុងស្ថានភាពមូលហេតុជាច្រើន ដែលមានឥទ្ធិពលដ៏ខ្លាំងទៅលើភាពខ្សោយនៃកម្រិតភាសារបស់សិស្ស។ មូលហេតុរួមមាន៖
ការបង្រៀនភាសាអង់គ្លេសក្នុងសាលារៀន៖ ការបង្រៀនភាសាអង់គ្លេសនៅក្នុងសាលាធម្មតាធ្លាប់តែមានកម្រិតមិនបានខ្ពស់នោះទេ។ គ្រូ ដែលមិនមានបទពិសោធន៍ច្រើន ឬគ្រូចេះភាសាបរទេសនៅមានកម្រិត ក្នុងការបង្រៀនភាសាអង់គ្លេស ដោយជាពិសេសនៅតាមបណ្តាខេត្ត បានធ្វើឱ្យកម្រិតចំណេះដឹងភាសាអង់គ្លេសរបស់សិស្សក៏មិនអាចឆកលើយតបជាមួយតម្រូវការក្នុងសង្គមជាក់ស្តែង។
បណ្ដុះបណ្ដាលភាសាខ្វះខាត៖ ការបណ្ដុះបណ្ដាលភាសា ដែលមិនបានទទួលការទ្រទ្រង់យ៉ាងល្អគ្រប់គ្រាន់ និងការមិនមានធនធានគ្រប់គ្រាន់ បានធ្វើឱ្យសិស្សខ្លះមិនមានលទ្ធភាពក្នុងការរៀនភាសាថ្មីទៀត។
បរិយាកាសសង្គម៖ កត្តាសង្គម និងបរិយាកាសនៅសាលា និងសហគមន៍មិនបានបង្កលក្ខណៈងាយស្រួល ដែលគួរឱ្យអភិវឌ្ឍន៍នូវជំនាញភាសា។ នៅតាមជនបទ ភាគច្រើនការប្រើប្រាសភាសាបរទេសសម្រាប់ទំនាក់ទំនងផ្សេងៗ ការធ្វើពាណិជ្ជកម្ម ជាអាទិ៍ មិទូលំទូលាយ ដូចនៅទីប្រជុំជន (ទីរួមខេត្ត ឬរាជធានីភ្នំពេញ)។
ដំណោះស្រាយសាកល
ដើម្បីដោះស្រាយបញ្ហានេះ គ្រប់ស្ថាប័ន និងស្ថាប័នការងារ គួរតែចូលរួមបង្កើនការកសាងជំនាញភាសារបស់សិស្ស។ ដោយយកឧត្តមគតិនេះសម្រាប់ជាឧទាហរណ៍ ការបង្កើនគុណភាពក្នុងការបង្រៀនភាសា បណ្ដុះបណ្ដាលក្រុមគ្រូបង្គោល និងបង្កើនឱកាសសិក្សាផ្សេងៗសម្រាប់សិស្ស គឺមានសារៈសំខាន់យ៉ាងខ្លាំង។ ក្រសួងងប់រំ គួរតែមានគ្រូដែលមានសមត្ថភាពគ្រប់គ្រាន់ដាច់ដោយឡែកពីគ្រូបង្រៀនចំណេះដឹងទូទៅ សម្រាប់បង្រៀនសិស្សចាប់ពីថ្នាក់បឋមរហូតដល់វិទ្យាល័យ ដើម្បីបាកដថា សិស្សទាំងអស់បានទទួលការបណ្ដុះបណ្ដាលផ្នែកភាសាគ្រប់គ្នា។
បញ្ហាជំនាញភាសាខ្សោយនៅកម្ពុជា គឺជាបញ្ហាដែលគួរតែទទួលការយកចិត្តទុកដាក់យ៉ាងខ្លាំង។ ការបង្កើនគុណភាពការអប់រំភាសា និងការធានាថា សិស្សទាំងអស់មានឱកាសដូចគ្នាក្នុងការរៀនភាសានានា គឺអាចជាដំណោះស្រាយដ៏មានប្រសិទ្ធភាពសម្រាប់បញ្ហានេះ។ ការស្រាវជ្រាវវិទ្យាសាស្ត្រ បច្ចេកវិទ្យា គឺត្រូវការភាសាបរទេសជាចាំបាច់បំផុត ព្រោះថា ឯកសារទាំងអស់នោះ ជាភាសាបរទេស។
អត្ថបទដោយ៖ កែវ មាលា
